പ്രിയ മക്കളെ, നിങ്ങൾ സത്യത്തിൽ നിന്നും വഴിതിരിഞ്ഞു പോകരുത്. എന്റെ ഈശോയാകുന്നു പരിപൂർണ്ണമായ സത്യം, നിങ്ങളുടെ യഥാർത്ഥ വിമോചനവും മോക്ഷവും അവനിൽ മാത്രമാകുന്നു. എന്തു തന്നെ സംഭവിച്ചാലും, നിങ്ങളുടെയുള്ളിലെ വിശ്വാസത്തിന്റെ തിരിനാളം അണഞ്ഞുപോകാൻ നിങ്ങൾ അനുവദിക്കരുത്. ഞാൻ നിങ്ങളുടെ മാതാവാണ്, ഞാൻ സ്വർഗ്ഗത്തിൽ നിന്നു വന്നത് നിങ്ങളെ രക്ഷിക്കാനാണ്. കുരിശിന്റെ ഭാരം നിങ്ങൾക്കനുഭവപ്പെടുമ്പോൾ നിങ്ങൾ നിരുത്സാഹപ്പെടരുത്. യാതനകളുടെ സമയങ്ങളിൽ, എന്റെ ഈശോയുടെ കരുതൽ നിങ്ങൾക്കുണ്ടാവും. അവനിൽ വിശ്വസിക്കുകയും, പരിശുദ്ധാത്മാവിന്റെ പ്രവർത്തനത്താൽ നയിക്കപ്പെടാൻ നിങ്ങൾ അനുവദിക്കുകയും ചെയ്യുവിൻ. വേദനാജനകമായ ഒരു ഭാവിയിലേക്കാണ് നിങ്ങൾ നീങ്ങികൊണ്ടിരിക്കുന്നത്, സത്യത്തെ സ്നേഹിക്കുന്നവർ മാത്രം എന്റെ മകൻ ഈശോയൊടൊപ്പം വിശ്വസ്തരായി നിലകൊള്ളും. നിങ്ങൾ ജാഗ്രതയുള്ളവരായിരിക്കുവിൻ. എന്റെ ഈശോയോട് ഞാൻ നിങ്ങൾക്കു വേണ്ടി അപേക്ഷിക്കും. നിങ്ങൾ ധൈര്യമായി മുന്നോട്ടു പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.